最近小漫熱愛韓國料理٩(๑>∀<๑)۶
就連韓國年糕都DIY wakakakaka~
各位朋友仔可能覺得，與其自己整不如買現成仲乾手淨腳！！
但我見超市買嘅大部份都係片裝或者細條通心
無我想要嘅條糕，所以都係自己嚟啦(ง•◡•)人(•∀• )ง
我試過用粘米粉整......結果係失敗．．．_|￣|●
粘米粉蒸完之後硬到阿媽都唔認得Σ(￣ロ￣|||)
搓極都係得過吉，一啲都唔柔軟、煙韌……
硬到真的搓不了、搓到真的手軟了( ´益`)wakakakaka~
最後我決定放棄，掉晒成底糕，完全覺得自己勁浪費！！
事隔兩日，我又再一次挑戰！！
吸收上次失敗經驗之後......
今次唔用粘米粉，自己整米粉( •̀ω•́ฅ)✧
你地冇聽錯，我冇"韮菜"(攪錯)！！！！wakakakaka
係由一粒粒嘅米變成一條條嘅米糕條
對韓國料理有興趣嘅朋友仔可以試下自家製架ψ(￣▽￣)ψ
▼好！！先o黎整米粉(*´罒`*)
材料：米2杯(量杯計)(我家吃開珍珠米就用珍珠米)
洗淨之後浸8 - 12個鐘，去水瀝乾~
▼放入攪拌機打至完全粉抹狀~
▼過篩2 - 3次至幼細粉末~！！
自製米粉 完成♪(2杯米可以做倒3杯米粉)
入盒放喺冰箱可以保存兩至三星期
想整韓國年糕又唔想咁麻煩的話，可以去韓國街嘅雜貨舖買"米粉"
(냉동 멥쌀가루) 除左整年糕之外，米粉仲可以整韓國糕點架(๑ت๑)
▼到整米糕條呢Part~
材料：米粉2杯、1/2茶匙鹽、1杯熱水
▼將所有材料完全混合，隔水蒸25分鐘~
▼砧板加入少許麻油，放入蒸熟左嘅米糕~
▼用木棍或者樽"鐘"米糕，反覆"鐘"5-10分鐘~
▼米糕就會變到煙煙韌韌(*ฅ́˘ฅ̀*)♡
▼搓成一個圓球~!!!
▼整成長條，用刀成一半(刀身搽少少麻油防黏)
▼之後再碌長切條，每條約10cm長~
▼手搽少少麻油，每一條米糕條都沾上麻油~
除左令米糕條有麻香味之外，亦都可以防止黏埋一舊~
韓國年糕條 完成♪
可以點啲蜜糖就咁食~!!唔係即刻煮食o既話可以入保鮮袋入冰箱雪住佢，
到要用嘅時候先囉出嚟~ (可以保存兩至三個星期)
留言列表
小漫 (3)
