屋企淨返一個香甜嘅芒果Σ( ꒪﹃ ꒪)
小漫就加啲吉士餡整左一打芒果糯米糍 he hee~
大爺Mike見倒即刻Order要囉幾粒返公司吔~！！！
(平時佢嘅宵夜便當都係我擺乜佢就食乜，好少有主意)
難得大爺落單當然比幾粒佢做宵夜啦，真係得幾粒架咋( ´益`)
其餘嘅芒果糯米糍當然留返喺屋企慢慢嘆啦 wakakakakaka
第二朝大爺Mike同我講：啲糯米糍同事都話好食！
咦∑( ◦д⊙)~！！原來佢唔聲唔聲囉左去同同事分享
早啲講嘛、等我整定十打八打過佢囉返公司當手信派街坊嘛(≧∀≦ )wakakaka
▼糯米皮材料︰糯米粉96克、糖20克、水160克、芒果香油1/2茶匙
吉士餡材料︰吉士粉7克、水15克、椰漿80克、無鹽牛油10克、糖10克
其他材料︰芒果1/2個、椰絲適量
▼吉士粉與水混合~!!!
小漫整嘅份量好少，所以用現成吉士粉比較好，而且快、靚、正~!!!
唔洗淨係整個吉士餡都要攪一大輪~
▼椰漿、無鹽牛油同糖煮到大滾熄火
▼加入吉士粉溶液攪勻，再開火一路攪一路煮到滾
煮到稍為稠身就熄火~!!!
唔洗煮到好杰撻撻，如果唔係雪完之後會硬身好多，變得唔軟滑架喇~
▼攤凍之後用保鮮紙蓋住，放入雪櫃雪1 粒鐘
▼跟手到整芒果糯米皮~!!
將所有糯米皮嘅材料撈埋，攪到冇粉粒就ok
▼小盤掃上一層薄油，倒入糯米糊，用保先紙蓋住~
隔熱水大火蒸15分鐘，攤凍~
▼雪凍左嘅吉士餡倒入擠花袋
▼芒果糯米皮洒上椰絲，Cut開12份
▼放入大大粒嘅芒果肉，要擠啲吉士餡，包成圓形
唔好咁貪心啵~!!!擠適量好喇，如果唔係會難包好多架( •̀ㅁ•́ฅ✧
▼香芒雪花糍 完成♪
▼皮薄餡靚，真材實料架٩(ˊᗜˋ*)و
係咪都好想part返粒落個肚度呢?! wakakakaka
留言列表
小漫 (3)
