吹咩風！？突然整個豬屎蛋糕呢？？
無他嘅......皆因小漫好耐冇整過蛋糕，又想吔豬屎啫 wakakakaka~
咦、咦！？乜唔係有人話要減肥咩！？
仲食豬屎Cake，唔怕又肥爆(๑°ㅁ°๑)‼
放心、放心！！小漫整呢個豬屎Cake絕對係低卡甜品٩(ˊᗜˋ*)و
本來1/8件Cheese Cake有成237Kcal
不過小漫用低脂、低熱量嘅食材，同樣食1/8件都係得143Kcal咋( •̀ㅁ•́ฅ✧
真係完全Fit晒又要減但又忍唔倒口嘅小漫(o´罒`o)wakakaka~
怕肥但又好想食甜野嘅朋友仔，不妨試下呢個豬屎Cake啦~！！
.+:。(●ゝω・)～☆NICE!!゜.+:
食譜參考︰<<營養師的200卡甜品>>
▼餅底材料︰馬利餅5塊、燕麥片20克、低脂牛油50克
芝士餡料︰低脂Cream Cheese 230克、低脂原味乳酪125ml、雞蛋2隻、
代糖8湯匙、低筋麵粉20克、可可粉10克
▼馬利餅放入密實袋用木棍打碎成粉末狀
▼隔熱水座溶牛油
▼將燕麥片同牛油溶液倒入密實袋與餅碎完全混合~
再放入舖有牛油紙嘅蛋糕模~!!!
▼用匙羹壓實，放入雪櫃雪20 - 30分鐘，等餅底凝固~
▼已放置室溫嘅Cream Cheese逐少加代糖打至滑身
代糖要簡"煮食用"先可以用嚟焗蛋糕、煮餸( •̀ㅁ•́ ✧
一般冇標明嘅代糖經過高溫處理係會變苦，所以要大家要留意咯~!!!
▼打到咁樣樣~!!!
▼加入雞蛋同低脂原味乳酪，用電動打蛋器打至完全混合~
▼加入已過篩嘅麵粉，攪拌到冇粉粒為止
▼喺雪櫃囉返已經雪硬左嘅餅底出嚟，倒入2/3芝士糊~
▼淨返嘅芝士糊加倒已過篩嘅可可粉，完全拌勻
▼倒入芝士糊
▼用竹纖拉花或者用橡膠刮輕輕攪拌幾下，形成雲石紋~!!!
放入已預熱焗爐160度焗45分鐘~
焗嘅時候記得加盤水一齊焗，咁個蛋糕焗出嚟會濕潤啲，唔會有列紋~
▼焗完之後，脫去牛油紙攤凍~
再入雪櫃雪4粒鐘 完成♪
味道同一般豬屎Cake冇乜分別，一樣咁正、口感濕潤得嚟又紮實~!!!!(๑´ڡ`๑)
大爺Mike︰藍莓味好食啲(￣ー+￣)
咁下次改整藍莓豬屎Cake啦 he hee~
記住、記住食1/8件好喇，唔好當飯咁食啵~!!!
如果吔晒成個豬屎Cake...再加埋食其他野一樣都係會增肥架(๑°ㅁ°๑)‼
正所謂小吃多滋味，多吃就好鬼肥 知冇!?(o´罒`o)
留言列表
小漫 (3)
