喺咁多韓國菜中......石鍋拌飯都係小漫愛吃其中之一~！！
早兩日、小漫心思思好想吔佢٩(ˊᗜˋ*)و
於事晚飯就整左嚟吔(๑´ڡ`๑)
其實拌飯食材好隨意，鍾意自己加乜就落乜，冇特定食材( •̀ㅁ•́ ✧
仲有一樣好處就係可以令大爺Mike吔多啲菜(o´罒`o)哈哈~
平時如果就咁將菜炒埋一碟，佢只會食得好少！！
而加撈埋落啲飯度，佢竟然可以食得晒啵Σ(ﾟ∀ﾟﾉ)ﾉ
要令大爺Mike食得均衡，做煮婦嘅小漫真係要花多啲心機先得喇 呵~呵~~
▼材料︰牛肉120克、菠菜160克、芽菜100克、紅蘿蔔1/2條、冬菇6-8隻
自製泡菜80克、雞蛋2隻、白飯兩碗
調味料︰醬油1/2湯匙、糖1茶匙、酒2茶匙、蒜頭1瓣、黑胡椒少許、
麻油少許
▼牛肉加入調味料醃20-30分鐘
▼ 紅蘿蔔刨絲(o´罒`o)v
▼以下煮嘅菜都需要分別調味~!!!!
所以小漫將每樣餸整到有啲啲味即可，加埋一齊味道就岩岩好，唔會過鹹~
芽菜洗淨，放入滾水煮熟撈起，瀝乾水份
加入1茶匙醬油、1茶匙蒜蓉、麻油少許
▼菠菜洗淨，放入滾水煮至熟撈起過冷河，切去根部
加1茶匙醬油同少許麻油撈勻
▼熱鑊，倒入牛肉炒熟
▼冬菇浸軟，切片
熱鑊，下少許麻油爆香冬菇，加入1/2茶匙糖、1茶匙醬油、1茶匙酒兜勻
炒至熟透~!!!!
▼泡菜可買現成或者自家製，切件~!!!
熱鑊，下少許麻油略炒，加入1/2茶匙糖炒勻(唔加都得)
▼喜歡吃辣嘅朋友仔，可以加呢個辣醬撈飯食~
辣醬調味料︰韓國辣醬1湯匙(辣度可以自己調教)、醋1茶匙、糖1茶匙、
醬油1/4茶匙、蒜蓉1/2茶匙、麻油少許、芝麻少許
撈勻成拌飯辣醬~!!!!
▼所有材料煮好之後就可以開始將佢地合拼(o´罒`o)哈哈~
▼首先裝左碗白飯放喺個大碗度
如果有專用石鍋可以將白飯放入煮至有飯焦香
吔嘅時候又多一種口感٩̋(๑˃́ꇴ˂̀๑)
▼跟手將所有食材排得佢靚靚仔仔，最後放入牛肉~
▼鍾意就可以加多隻煎蛋，灑上芝麻
石鍋拌飯 完成♪
▼鑑賞完一輪之後．．．鐘意食辣可以加拌飯辣醬撈勻~!!!
唔食得辣可以加先頭撈菜用嘅汁料撈勻佢，大啖、大啖放入口(๑´ڡ`๑)
yummy~！！！
留言列表
小漫 (3)
