自從搬左BLOG之後...寫食譜嘅衝勁突然大減...!!!
之但係我對整野食嘅熱情從來都冇冷卻啵 WAKAKAKAKA
只係提唔起勁囉手機影低每一個步驟......
所以我咁耐都冇食譜出就係咁解囉(๑¯ω¯๑)
我家大爺Mike食野越來越咀刁刁(￣ー+￣)
唔係話佢要吔山珍海菜、真禽野味啵 哈哈
有時佢問我今晚食乜，查實我都未知煮乜
我又懶得諗，咪同佢講食"豆腐蒸魚肉"(例子)啦
佢又話唔好又係食呢啲，問返佢想食乜，佢大多數話唔知
咁啫要我諗啲新菜式煮比佢吔啦( ⁍̴̛ᴗ⁍̴̛⁎)‼
其實要天天不同款，真係會諗到頭都大埋架嘛ฅ(´-ω-`)ฅ
做家庭煮婦真係甚艱難(,,> <,,)
尋日突然興起想食韓燒，如果出街食…
我哋呢啲住得咁山卡啦嘅人，最快都要九個字先到目的地
仲要未計等位，為免費時失事，餓壞肚皮！！
都係喺屋企整韓燒最經濟實惠 哈哈
又見自己有啲mood想寫下食譜
於事囉起手機同啲食材影下相咁啦 he hee~
不過影得甩頭甩髻，各位多多包涵！！
▼材料：豬肉300克、紅蘿蔔1/2個、生菜適量、蒜頭4粒、蔥2棵
醃料：梨1/2杯、洋蔥1/4杯、蒜頭4粒、薑1/2茶匙、薑1棵、醬油1湯匙、
糖1湯匙、黑胡椒少許、麻油少許
▼豬肉切片，將梨(去皮、去核)、洋蔥(切件)、蒜頭、薑放入攪拌機打混後，
倒入豬肉，再加醬油、糖、黑胡椒、蔥同麻油拌勻
吃辣嘅就可再落1湯匙韓國辣醬，因為大爺Mike唔食得辣，我例牌將啲肉分開
醃30分鐘就可以開始韓國燒烤架喇
等醃嘅時間，我就整左韓國醬쌈장(中文名唔知係咩)又將淨左嘅蔥做左個"辛奇"泡菜
(韓國舊年12月將泡菜改名叫辛奇，仲要註冊埋商標添!!但我覺得都係泡菜好聽啲!!!!)
切埋啲紅蘿蔔洗埋生菜時間岩岩好，可以開始咯
如果有聚會，成班朋友圍埋吔烤肉都係一個唔錯嘅選擇(ノ・ω・)ノヾ(・ω・ヾ)
大家一邊烤，一邊傾計，又可以啤一啤，真係人生一樂也 呵~呵~~
.+:。(●ゝω・)～☆NICE!!゜.+:
又或者唔太多時間慢慢燒(好似我家咁)，可以一次過整晒又得~!!!
正式韓燒吃法：將燒好左嘅肉放喺生菜上，加啲熟蒜片同쌈장醬，
整埋一舊放入口食 正呀!!! 唔油膩又yummy~!!!!!
唔洗淨食肉冇菜吔，咁就可以逼大爺mike食多啲蔬菜啦 哈哈~
比埋港式韓燒唔會得個鹹字，最起碼冇味精~!!!!
加上用梨醃肉嘅嗰種清甜果味...真係齒頰留香~
推薦大家用梨醃肉٩̋(๑˃́ꇴ˂̀๑)ﾌｧｲﾔ
當然想再食得正宗可以加紫蘇葉、青辣椒、生蒜啦
但我覺得咁太刺激喇....所以冇準備到 he hee
今餐大滿足~!!!!! wakakaka
冇mood寫食譜呢段時間我有繼續努力鍛鍊廚藝架~!!!
▼韓式蛋卷(계란말이) & 紫菜蛋卷(김계란 말이)
大爺Mike嘅宵夜便當~!!
▼柱侯牛腩煲仔飯
▼蕃薯甜蜜蜜
▼香腸煎蛋
▼八寶荷葉飯
▼薑醋雞翼
大爺mike唔愛食豬腳，但又愛蛋薑醋蛋~
所以豬腳變雞翼 又得啵~
▼西檬軟雞
用新鮮檸檬整個汁，非現成汁料~!!!
▼豆腐麵包
▼蜜汁叉燒
▼脆皮燒肉
▼香酥腐皮卷
用氣炸鍋炸，一滴油都唔洗用又炸到金黃脆卜卜
▼黑草羊腩煲
最凍o個幾日特別想食煲 哈哈~
▼黃金蝦多士
▼蒜香椒鹽豆腐
▼什錦炸丼
其實有啲餸我都有影晒成個過程架
只係入晒電腦都未有時間處理(●*´Д`*)
等我整理好啲相寫埋食譜就POST出o黎啦 he hee
留言列表
小漫 (3)
